დმანისში თავის ქალა აღმოაჩინეს

0

3639_0სრული თავის ქალა დმანისიდან და ადრეული ჰომოს ევოლუციური ბიოლოგია   დმანისში აღმოჩენილი მეხუთე თავის ქალის შესახებ ინფორმაციას  გავლენიანი ამერიკული გამოცემა Science აქვეყნებს.
სტატიის თანაავტორები არიან საქართველოს ეროვნული მუზეუმის დირექტორი დავით ლორთქიფანიძე, ანა მარგველაშვილი და აბესალომ ვეკუა.
როგორც სტატიაშია აღნიშნული, 2005 წლის არქეოლოგიური გათხრებისას 1,8 მილიონი წლით დათარიღებულ ფენაში აღმოჩნდა ახალი თავის ქალა. ნაპოვნი თავის ქალა პირველია, რომლის მიხედვითაც, მეცნიერებს შეუძლიათ აქამდე უცნობი ადრეული ადამიანის ანატომიის შესწავლა. თავის ქალის ტვინის მოცულობა 546 კუბური სანტიმეტრია, რაც დაახლოებით თანამედროვე ადამიანის ტვინის ერთი მესამედია. მას წინ წამოწეული სახე და დიდი კბილები აქვს.
სტატიის ავტორები ხაზს უსვამენ, რომ შესაძლოა ჰომოს გვარის სხვადასხვა სახეობები, მათ შორის აფრიკაში აღმოჩენილი უძველესი ნამარხები, ევოლუციის ერთ ხაზს წარმოადგენდეს.

სხვა ახალი ამბები: