ეროვნული მუზეუმის დირექტორი ფოთის მუზეუმს სტუმრობდა

0

12106696_1001199419936134_3975695726599311458_nსაქართველოს ეროვნული მუზეუმის დირექტორი დავით ლორთქიფანიძე ფოთის კოლხური კულტურის მუზეუმს სტუმრობდა. კოლხური კულტურისა და ისტორიის მუზეუმის საგამოფენო დარბაზისა და ექსპოზიციების დათვალიერების შემდეგ ,დავით ლორთქიფანიძემ აღნიშნა,რომ ფოთის მუზეუმში დაცული ისტორიულ-არქეოლოგიური მასალა საერთაშორისო დონისაა, წარმოადგენს უძველესი კოლხური კულტურის უნიკალურ ნიმუშებს და მსოფლიო არტე-ფაქტებს სტანდარტებს უთანაბრდება. ასეთი კულტურის კერას სჭირდება სახელმწიფოსგან მუდმივი მხარდაჭერა.

მუზეუმი უნდა იქცეს რეგიონის ცენტრად, სადაც თავმოყრილი იქნება ძველი ცივილიზაციის ექსპონატები. დავით ლორთქიფანიძემ და ქალაქის მერმა ყურადღება გაამახვილეს მუზეუმის მატერიალურ-ტექნიკური ბაზის სრულყოფისა და პერსპექტივის შესახებ.

მუზეუმის შენობა 1907 წელს ედმუნდ ფრიკის მიერ არის აშენებული. 1977 წლიდან ამ შენობაში მუზეუმი განთავსდა. 2010 წლიდან შენობა საქართველოს კულტურული მემკვიდრეობის ძეგლთა ნუსხაშია შეტანილი.