ზუგდიდი-თბილისის მიმართულებით მოძრავ ღამის მატარებელზე სავაგონო შემადგენლობა იზრდება

0

2014092018375124133.3სს „საქართველოს რკინიგზის“ გადაწყვეტილებით, თბილისი-ზუგდიდი-თბილისის მიმართულებით მოძრავი ღამის მატარებლის სავაგონო შემადგენლობა 1 ოქტომბრიდან გაიზრდება. სამეგრელო-ზემო სვანეთში სახელმწიფო რწმუნებულის-გუბერნატორის მოადგილის, კობა ქანთარიას განცხადებით ამ გადაწყვეტილების შესახებ ინფორმაცია სს „საქართველოს რკინიგზის“ მგზავრთა გადაყვანის სამსახურის უფროსის, დავით გელაშვილისგან გახდა ცნობილი.

„ღამის მატარებელზე დღეისათვის მოქმედი შემადგენლობა ფაქტობრივად ორმაგდება. თუ ამ დრომდე მატარებლის შემადგენლობა მხოლოდ სამი ვაგონით იყო განსაზღვრული, პირველი ოქტომბრიდან მისი რაოდენობა 7-მდე იზრდება. ცვლილება მგზავრთა ნაკადის გაზრდასაც უკავშირდება. რეგიონის მოსახლეობას საშუალება ექნება ორივე მიმართულებით უსაფრთხოდ და კომფორტულად იმგზავროს. მატარებლის ვაგონები კონდიცირების სისტემით იქნება უზრუნველყოფილი.“-აცხადებს კობა ქანთარია.

სს „საქართველოს რკინიგზაში“ აცხადებენ, რომ თბილისი-ზუგდიდი-თბილისის მიმართულებით მოძრავი ჩქაროსნული ელექტრომატარებელი სარკინიგზო მაგისტრალიდან მოიხსნება. დღის მატარებელი,N870-869 თბილისი-ზუგდიდის მიმართულებით 10 აპრილიდან მოძრაობდა. ჩქაროსნული მატარებლის გრაფიკი ამგვარად იყო გაწერილი-თბილისი-ზუგდიდი (07:35-13:43) ზუგდიდი-თბილისი (17:45-23:45).

სხვა ახალი ამბები: