კონსტანტინე გულორდავა: “ძნელად დასაჯერებელი აღმოჩნდა, რომ ეს კაცი ასეთი მოღალატე იყო”

0

gulordavaaდღეს,გაუპატიურების მცდელობაში ბრალდებულ,გოგა ანჩაბაძის სასამართლო სხდომაზე,დაზარალებულად მიჩნეული ანა ძაპტაშვილის მეუღლე კონსტანტინე გულორდავა დაიკითხა.

გულორდავას გარდა დღევანდელ სხდომაზე ბრალდების მხარის 5 მოწმე დაიკითხა,ანა ძაპტაშვილის მამა ნუგზარ ძაპტაშვილი,კონსტანტინე გულორდავას ძმა დავით გულორდავა,გიორგი ვეკუა, გულორდავასა და ანჩაბაძის საერთო მეგობარი ირაკლი მალანია და ე.წ.შონიას ტექნიკუმში ჩასახლებული დევნილი მანანა ხასაია.
კონსტანტინე გულორდავამ სასამართლოს განუცხადა,რომ გოგა ანჩაბაძეს 2013 წლის 10 ნოემბერს მომხდარ ინციდენტამდე, რამდენიმე დღით ადრე შემთხვევით შეხვდა.
„გოგასთან საბავშვო ბაღიდან მაკავშირებდა მეგობრობა,ჩემი მეჯვარეა,ამიტომ შეხევდრის დროს ვუთხარი,რომ ჩემი მეუღლე ფეხმძიმედ იყო,“-აღნიშნა გულორდავამ.
მისი თქმით,ანჩაბაძესა და მის მეუღლეს შორის 10 ნოემბერს მომხდარი ინციდენტის შესახებ მან 12 იანვარს მეუღლისგან შეიტყო.
„ანა დარწმუნებული იყო, რომ პოლიციაში გავყვებოდი და ანჩაბაძის წინააღმდეგ განცხადებას დავწერდით,მაგრამ მე უარი ვუთხარი. ანას მონაყოლიდან ყველაფერი ნათელი იყო, მაგრამ ჩემთვის ძნელად დასაჯერებელი აღმოჩნდა, რომ ეს კაცი ასეთი მოღალატე იყო,“-აცხადებს გულორდავა.

გულორდავამ მის მიერ მიცემულ ჩვენებაში ასევე განმარტა, რომ ბრალდებულს ადრე მასთან საუბარში ნახსენები ქონდა, რომ ე.წ.შონიას ტექნიკუმის უკანა ეზოში,(სადაც აღნიშნულ ინციდენტს ქონდა ადგილი), მას მსუბუქი ყოფაქცევის ქალები მიჰყავდა.
როგორც ჩვენებიდან ირკვევა,გულორდავამ 12 ნომებერს დილით დაურეკა ირაკლი მალანიას და თხოვა,რომ ანჩაბაძე მასთან სოფელ ოდიშში მიეყვანა, გულორდავას თან თავისი ძმა ახლდა.
„როგორც კი მალანიას მანქანიდან გადმოვიდა გოგა ანჩაბაძე მაშინვე მითხრა- კახა მოსაკლავი ვარ და მომკალიაო, ამის შემდეგ ძალიან ავღელდი მუშტებით ვცემე ,მანქანიდან ე.წ დანკრატი გადმოვიღე და ფეხებში დავარტყი, მერე ყური მოვაჭერი. საპატრულო პოლიციის ფორმა ეცვა, შემოვაჭერი ამის ტარების ღირსი არ ხარ მეთქი, მერე მანქანაში ჩავსვი და იმ ადგილას „დავაგდე“ სადაც ინციდენტი მოხდა.“-თქვა გულორდავამ.

როგორც გულორდავასა და ანჩაბაძის საერთო მეგობარმა ირაკლი მალანიამ აღნიშნა, მან სოფელ ოდიშში მისვლამდე არ იცოდა თუ რა ხდებოდა კახასა და გოგას შორის.
„მანქანით მივდიოდით, ცოტა აღელვებული მეჩვენა ანჩაბაძე. ამბობდა,ამ ბოლო დროს როგორც კი დავლევ მხეცად ვიქცევიო, მაშინ არ ვიცოდი რა ხდებოდა.“

დაცვის მხარის ერთ-ერთი მოწმე მანანა ხასია ე.წ. შონიას ტექნიკუმის შენობაში ცხოვრობს, მისი თქმით, 10 ნოემბრის საღამოს ძაპტაშვილის კივილის ხმა გაიგო, როცა გარეთ გამოვიდა ნახა, რომ ძაპტაშვილი ერთ-ერთ დევნილს ატირებული ეხუტებოდა.
„გოგო ტიროდა, მამაკაცი აგრესიულად იქცეოდა,აღელვებული იყო, ანა სახლში შემოვიყვანეთ, შარვლის ღილი ამძვრალი ქონდა, მერე ეს კაციც შემოვიდა ეხვეწებოდა ანი სახლში წაგიყვანო, მაგრამ გოგო არ გაყვა, ძალიან შეშინებული იყო.“-აღნიშნა მანანა ხასაიამ.

შეგახსენებთ, რომ 12 ნოემბერს გოგა ანჩაბაძე კონსტანტინე გულორდავამ მისი ცოლის, ანა ძაპტაშვილის გაუპატიურების მცდელობის გამო სცემა და მას მრავლობითი დაზიანებები მიაყენა. მკურნალობის კურსს ანჩაბაძე ჯერ ზუგდიდში, შემდეგ კი ქუთაისის კლინიკურ საავადმყოფოში გადიოდა. სამართალდამცავებმა იგი 2013 წლის 20 დეკემბერს დააკავეს.
შემდეგი სასამართლო სხდომა საქმეზე მიმდინარე წლის 30 მაისს ჩაინიშნა.

სხვა ახალი ამბები: