პროკურატურა დათა ახალიას ექსტრადიციასთან დაკავშირებით განცხადებას ავრცელებს

0

561947_105149646353114_1521819598_n„საქართველოს პროკურატურისათვის ამ ეტაპზე უცნობია  გარემოებები, რომლებიც მხედველობაში მიიღო საბერძნეთის რესპუბლიკის უზენაესმა სასამართლომ დათა ახალაის ესტქრადიციის თაობაზე გადაწყვეტილების მიღების დროს“, – ამის შესახებ ნთქვამია საქართველოს პროკურატურის მიერ გავრცელებულ განცხადებაში.

პროკურატურის ცნობით, 2015 წლის 24 აპრილს საბერძნეთის რესპუბლიკის უზენაესმა სასამართლომ ძალაში დატოვა პატრას სააპელაციო სასამართლოს გადაწყვეტილება ახალაიას საქართველოში ექსტრადიციის დაუშვებლობის შესახებ.  სასამართლომ ასევე დაუშვებლად ცნო დავით ახალაიას ადვოკატის მიერ წარდგენილი საჩივარი პროცედურულ საკითხებთან დაკავშირებით.

„საქართველოს მთავარ პროკურატურას სურს ცალსახად განაცხადოს, რომ მიმდინარე სასამართლო პროცესის დროს საერთოდ არ განხილულა ახალაიას ბრალეულობის საკითხი, ვინაიდან აღნიშნულს არ ითვალისწინებს საქართველოსა და საბერძნეთის რესპუბლიკას შორის ექსტრადიციის სფეროში მოქმედი საერთაშორისო ხელშეკრულებები. კერძოდ, მოცემულ შემთხვევაში, ბრალეულობის საკითხის განუხილველობის მიზეზს წარმოადგენს ის გარემოება, რომ პირის მიმართ არსებული მტიკცებულებების შეფასება და პირის ბრალეულობის განსაზღვრა წარმოადგენს არა ექსტრადიციის განმხილველი, არამედ ექსტრადიციის ინიციატორი სახელმწიფოს  სასამართლო ორგანოების პრეროგატივას“, – აღნიშნულია განცხადებაში.