რა ქონებას ფლობს საპარლამენტო უმცირესობის წევრი მარიამ საჯაია?

0

10410251_10206207678533844_5753577946710615233_nსაქართველოს პარლამენტის ყველაზე ახალგაზრდა წარმომადგენელი, 24 წლის მარიამ საჯაია, 2012 წლიდან დეპუტატია.

მისი ქონებრივი დეკლარაცია კი, რომელიც საჯაიას მიმდინარე წლის 5 იანვარს აქვს შევსებული, ასე გამოიყურება:
დეპუტატი თბილისში ორ  42.00 კვ.მ ფართობისა  და 53.00 კვ.მ ფართობის ბინებს ფლობს, საიდანაც ერთ-ერთში საჯაიამ 40 000.00 დოლარი გადაიხადა.

მის საკუთრებაშია მსუბუქი ავტომანქანა LEXUS, RX, 330. დეკლარაციის თანახმად მან ავტომობილში 15 000.00 ლარი გადაიხადა.

რაც შეეხება დეპუტატის საბანკო ანგარიშებს, საჯაიას „საქართველო ბანკის“ სახელფასო ანგარიშზე 1 600.00 ლარი ერიცხება. ამავე ბანკის საკრედიტო ანგარიშზე კი 4 500.00 ლარი, 500 ლარი ერიცხება „თიბისი ბანკის“ საკრედიტო ანგარიშზე.

მარიამ საჯასიას „საქართველოს ბანკში“ სამომხმარებლოს სესხის სახით 8 316.00 ლარი აქვს აღებული (გასავლი 1 780.00); ამავე ბანკში აქვს 9 015.00 ლარიანი სამომხმარებლო სესხიც (გასავალი 2 042.00 ლარი).

სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებულმა შემოსავალმა კი 56 426.50 ლარი შეადგინა.

ამ დეკლარაციის წინამორბედიდან, რომელიც 2013 წელსაა შევსებული ირკვევა, რომ საჯაიას თბილისში – 42.00 კვ.მ ფართობის მქონე ბინა აქვს შეძენილი, ავტომობილი MERCEDES BENZ, E კი დეპუტატმა სხვა მარკის ავტომანქანით ჩაანაცვლა.