აბაშაში, აგვისტოს ომში დაღუპულ გმირთა მოსახსენებელი წირვა-ლოცვა აღევლინა

0

აბაშის მუნიციპალიტეტში 2008 წლის 8 აგვისტოს რუსეთ-საქართველოს ომში ქვეყნის ტერიტორიული მთლიანობისათვის გმირულად დაღუპული აბაშელი სერგო მელიასა და გიორგი ნადარეიშვილის სულის მოსახსენებელი პანაშვიდები გადაიხადეს. წირვა-ლოცვა სოფ. წყემისა და სოფ. ონტოფოს წმ. ბარბარეს სახელობის ტაძრებში აღევლინა.

ყვავილებით შეამკეს და პატივი მიაგეს ვაზიანის სამხედრო ბაზის უფროსი ლეიტენანტის, ვახტანგ გორგასლის I ხარისხის ორდენოსანის გიორგი ნადარეიშვილის საფლავს მუნიციპალიტეტის გამგებელმა მამუკა კვიტაშვილმა, საკრებულოს თავმჯდომარე პაატა ქურდოვანიძემ, ადგილობრივი ხელისუფლების წარმომადგენლებმა და საზოგადოებამ.

უახლოეს პერიოდში ადგილობრივი ხელისუფლების ძალისხმევით სოფ. ონტოფოში მოეწყობა გიორგი ნადარეიშვილის სახელობის სკვერი.

სხვა ახალი ამბები: