ჩხოროწყუს მუნიციპალიტეტში ფაროსანას საწინააღმდეგო ღონისძიებები მიმდინარეობს

0

ჩხოროწყუს მუნიციპალიტეტში აზიური ფაროსანას საწინააღმდეგო ქიმიური წამლობა მიმდინარეობს. ლესიჭინეს, ქვედაჩხოროწყუსა და ახუთის ადმინისტრაციული ერთეულების ტერიტორიები თერმული ნისლის ტექნოლოგიის გამოყენებით დამუშავდა.

აზიურ ფაროსანასთან ბრძოლის სახელმწიფო პროგრამის ფარგლებში ჩხოროწყუს მუნიციპალიტეტში,ამ ეტაპზე, 4 ერთეული მაღალი გამავლობის ავტომობილი იმუშავებს. მათ შორის 3 ავტომობილი აღჭურვილია თერმული ნისლის აგრეგატით, ხოლო ერთზე დამონტაჟებულია მცირემოცულობიანი შემასხურებელი ტექნიკა.

ადმინისტრაციულ ერთეულებში, ასევე , “მოიზიდე და მოკალის” პრინციპით, დამონტაჟებულია წერტილოვანი ფერომონები, რომლის საშუალებით მოხდება მავნებლის განადგურება.

მავნებლის საწინააღმდეგო კომპლექსური მოქმედებისთვის ყველა რესურსია მობილიზებული და იგი, მუნიციპალიტეტის მასშტაბით, ყველგან განხორციელდება.