ლაშა გოგია – მე დღეიდან ყველას მერი ვარ!

0

“ქართული ოცნების” უკვე გამარჯვებული მერობის კანდიდატი ლაშა გოგია სოციალურ ქსელში მიმართვას ავრცელებს, სადაც ის მადლობას უხდის თითოეულ ამომრჩეველს მხარდაჭერისთვის. SMO NEWS ლაშა გოგიას მიმართვას უკომენტაროდ გთავაზობთ.

“მადლობა თითოეულ ამომრჩეველს ვინც უბანზე მოვიდა და მხარდაჭერა გამომიცხადა, მადლობა მათაც ვინც ხმა სხვას მისცა, მე დღეიდან ყველას მერი ვარ! მე ვიქნები მერი, რომელიც თქვენი პრობლემების მოგვარებაზე, თქვენს უკეთეს მომავალზე იზრუნებს. ჩვენ ერთად ავაშენებთ უკეთეს ზუგდიდის!

ჩვენ გვაქვს ძალიან ბევრი პრობლემა მოსაგვარებელი, ბევრ საჭიროებებს უნდა გავცეთ პასუხი, ამისთვის კი პირველ რიგში თქვენი მხარდაჭერა და თანადგომა გვჭირდება.

ჩვენ წინ გველოდება დატვირთული 4 წელი! მუშაობა არ იქნება ადვილი, მაგრამ თქვენთან ერთად შევძლებთ ზუგდიდი იყოს უკეთესი ქალაქი, სადაც ცხოვრება ყველას გაგვიხარდება.

მინდა მადლობა გადავუხადო პარტია „ქართულ ოცნება – დემოკრატიულ საქართველოს“, იმ ნდობისა და შესაძლებლობისთვის რაც მათ მომცეს!

ეს წინასაარჩევნო კამპანია არ იყო ადვილი, მაგრამ ჩვენ შევძელით კამპანია ყოფილიყო ყველაზდე მშვიდი, თავისუფალი და კონკურენტული. ჩვენს ზუგდიდში გვქონდა ყველაზე მასშტაბური, ყველაზე ორგანიზებული და დასამახსოვრებელი საარჩევნო კამპანია. მადლობა ამისთვის თითოეულ კოორდინატორს, აგიტატორს, ზონის უფროსს, შტაბის ხელმძღანელობას, თითოეულ თანამშრომელს დაუღალავი მუშაობისთვის”-ნათქვამია ლაშა გოგიას მიერ სოციალურ ქსელში გავრცელებულ მიმართვაში.

სხვა ახალი ამბები: