რუხიდან ოკუპანტების მიერ დაკავებული ქართველების დასამართლო პროცესი შესაძლოა დღეს გაიმართოს

0

ზუგდიდის მუნიციპალიტეტის სოფელ რუხში, რუსი ოკუპანტების მიერ დაკავებული ორი მამაკაცის სასამართლო პროცესი შესაძლოა გალში დღეს გაიმართოს. დაკავებულთა ახლობლების განცხადებით აფხაზური სასამართლო მათ დღესვე გაათავისუფლებს ჯარიმის გადახდის შემდეგ.

ერთ-ერთი დაკავებულის ახლობლები აცხადებენ, რომ მათ არ აქვთ შესაბამისი სახსრები, ჯარიმა გადაიხადონ. ისინი დახმარებას ქართულ მხარეს სთხოვენ.

შეგახსენებთ რომ 2 დღის წინ, 14 აგვისტოს, სოფელ რუხში, მდინარე ენგურზე თევზაობისას რუსმა ოკუპანტებმა რუხის მკვიდრი ფრიდონ ჭითანავა და ჭუბურხინჯში მცხოვრები ლევან მორგოშია დააკავეს. აფხაზური მხარე დაკავებულებს ე.წ საზღვრის უკანონო გადაკვეთას ედავება.

სხვა ახალი ამბები: