უხვი ნალექის გამო, მდინარე რიონზე წყლის დონემ იმატა

0

ქალაქში მოსულმა უხვმა ნალექმა მდინარე რიონზე წყლის დონის მომატება გამოიწვია,თუმცა ამ დროისთვის დატბორვის საფრთხე არ არსებობს.

მდინარე რიონზე გახსნილია 4 რაბი (შლუზი), მიმდინარეობს მე- 5 რაბის გახსნა. ფიქსირდება წყლის გადინება 300-320 კუბი წამში. ადგილზე მობილიზებულია როგორც სამაშველო, საპატრულო ,ასევე მერიის ყველა შესაბამისი სამსახური, რომლებიც საგანგებოდ აგრძელებენ მუშაობას.

არსებულ ვითარებას ადგილზე გაეცნენ ქალაქის მერი ირაკლი კაკულია და ხობის გამგებელი გოჩა ქაჯაგაეცნენ.

„ამ ეტაპზე სიტუაცია კონტროლს ექვემდებარება. მიმდინარეობს მუშაობა პრობლემის თავიდან ასაცილებლად. ბოლო ინფორმაციით, წყლის დონე იკლებს. ჰიდროკვანძის მეშვეობით ვახერხებთ წყლის დონის რეგულირებას. ფოთისა და ხობის დატბორვის საშიშროება ამჟამად არ არსებობს“,- განაცხადა მერის მოადგილემ ნიკოლოზ გრიგოლიამ.

სხვა ახალი ამბები: